ஆப்பிள் நிறுவனத்தின் தலைமைச் செயல் அதிகாரி டிம் குக் சம்பளம் கடந்த 2015-ம் ஆண்டில் 11.5 சதவீதம் உயர்ந்து 1.03 கோடி டாலராக இருக்கிறது. ஆனால் தலைமை நிதி அதிகாரி லூகா மெஸ்ட்ரி-யின் சம்பளம் 81 சதவீதம் உயர்ந்து 2.53 கோடி டாலராக இருக்கிறது. குக் தலைமையில் ஆப்பிள் நிறுவனத்தின் விற்பனை கடந்த ஆண்டு சிறப்பாக இருந்தது. 2011-ம் ஆண்டு நிறுவனத்தின் தலைமைச் செயல் அதிகாரியாக பொறுப்பேற்றார். இவர் வசம் 31 லட்சம் ஆப்பிள் நிறுவனப் பங்குகள் உள்ளன. இதன் தற்போதைய மதிப்பு சுமார் 31 கோடி டாலர்கள். குறிப்பாக ஆப்பிள் 6 மற்றும் 6எஸ் ஆகியவை சீனாவில் நன்றாக விற்பனையானது. ஆனால் கடந்த ஆண்டு ஆப்பிள் பங்குகள் 4.6 சதவீதம் அளவுக்கு சரிந்தன. சர்வதேச மந்த நிலைக்கு பிறகு ஆப்பிள் பங்குகள் எதிர்மறை வருமானம் கொடுத்த ஆண்டு இதுதான் .
